شروط بدل المازوت في سوريا‏‏

شروط بدل المازوت في سوريا‏






اذا كنت حابب تاخد بدل مازوت عنّا, فلازم تكون مواصفاتك التالية:
لازم يكون راتبك 0, يعني ما عندك راتب, و ما بتشتغل, ولا بتشحد, ولا بتاخد مصاري ولا بتاكل و لا بتشرب و عايش عمرك عالدفا و بس.
لازم يكون لون عيونك عادي, لا ازرق ولا اخضر, و طول رموشك لا يتدعى ال5 دوزيم.
لازم يكون عندك شي 7 ولاد, و بنتين و 7 منهون معاقين, او برصان, و اذا ابو بريص باخخ عنصهون بيمشي الحال, منزبطك.
لازم تكون اجدد كندرة عندك عمرها 5 سنين, و ما بتلبسها غير وقت المناسبات و الدبكة, و بالحالة الاعتيادية شالوخك بيناضل معك.
بيتك بغوغلا, و اجار جديد مو قديم.
اجدد شغلة ببيتك هي اللمبة.
وقت بدك تحلق بتحلق عبواري الصوبية.
لازم تكون اصلع
ما لازم يكون عندك صوبيا
بتصير عندك الأعراض التالية بالشتوية:
ارتجاج مخيخ بالسنان.
وجع عند افراز البول بسبب التجلّد.
تصدّف بالقدمين بسبب تجمد المياه المحيطة بالجرابات المحاطة بالصباط المبلول.
بيهرّوا لحالهون من البرد.
مرتك معها انفصام شخصية و بتفكر حالها تلجة بالشتوية.
عندك ارتجاج بالمخ
مو لازم تكون من سكان سوريا
بلاليع المنزل دائما مغلفة بسبب تراكم الثلوج.
وقت بدك تدفى بتطلع انت و عيلتك بالمكروا دورة من قدّام فوق الموتور.
عندك ابن حلم حياتو يتحول لجمرة و واحد تاني غيروا بيتدرّب عالطابة لحتى يشوط شوطة بسّام النارية و يدفيكون.
بنتك وقت بتتسلى بتقلع عينها بلليل و بتلعب فيها دحل مع اختها التانية و بترجعها بالضهر بيكون الدنية دفيت شوي و رجعت العين تشتغل.
بتستخدم كل يوم نص لتر و ربع مازوت مكسور بـ بترول اصفر انساني.
لازم تستخدم المازت لأهداف انسانية عميقة الاتجاه الاحافردي.
"لازم تشرح هالفقرة"
الاوراق الثبوتية المطلوبة:
أوراق تثبت كل ما ذكر في الأعلى مع 40 شاهد من نفس البناية.
لازم تجيب مختار الحارة, و الحارة يللي جنبكون.
40 الف طابع
و مبروك عليك بدل المازوت